BUTUAN CITY – Nagpagawas og pamahayag ang Equi-Parco Construction Company mahitungod sa post sa Bombo Radyo Butuan ug sa lain pang sibyahan kalabot sa paglakip og basa ni Senador Erwin Tulfo sa maong kompanya sa duna’y poor Constructors Performance Evaluation System kon CPES rating, base sa listahan sa Government Procurement Policy Board kon GPPB.
Sumala sa official written statement sa maong kumpanya kagahapong adlawa, sayop ang balitang blacklisted sila ug misleading usab ang taho mahitungod sa rating niini, taliwa nga wala’y gipagawas nga pamahayag ang Bombo Radyo Butuan nga blacklisted kini.
Hinuon ang post, nagklaro nga apil ang maong kompanya sa gibasa sa senador sa mga kompanyang duna’y poor CPES rating apan wala malakip sa gipadalhan og subpoena sa komite.
Ang tipik sa pagbasa ni Senador Erwin Tulfo sa listahan sa Government Procurement Policy Board kon GPPB.
Kini usab ang rason nga gusto sa senador nga ipatawag ang board sa sunod nga pagdungog aron makuhaan og pagpasabot kalabot sa ilang listahan.
Sigon sa Equi-Parco, niadto pa lamang 2013 sila naka-angkonog unsatisfactory nga CPES nga 79.5%, human niini, consistent na nang nakuha sa ilahang kumpanya ang required nga performance level sa Department of Public Works and Higways, diin nakuha pa niini ang average nga 84.82%.
