BUTUAN CITY – Malampuson nga natransfer ug na showcase sa Louvre Abu Dhabi sa United Arab Emirates ang obra maestra ni Juan Luna nga ”Una Bulaqueña,” kini sumala na sa impormasyon nga gipagawas sa National Museum of the Philippines.
Gitambungan ang maong seremonyas nila ni His Excellency Mohamed Khalifa Al Mubarak sa Louvre Abu Dhabi, Philippine Ambassador Alfonso Ver, ingon man ni Jorell M. Legaspi sa National Museum.
Makita sa maong painting ni Luna ang babayeng, matud pa, taga-Bulacan kansa nakasuot og tradisyonal nga bistida sa usa ka Pilipina, kansa nagsalamin sa kaanyag ug dignidad sa usa ka Pinay.
Giila usab ang maong painting isip usa sa pinaka-successful nga obra kansa nagpakita sa pagka-Pilipino tungod sa istilo niining daw European artwork.
Lakip ang ”Una Bulaqueña” sa eksibisyon kansa nagpakita sa mga obra nila ni Auguste Renoir ug Édouard Manet.
Kahinumdumang gideklarang National Cultural Treasure ang nasangpit nga painting niadtung 2008 ug usa sa pinakaminamahal nga obra sa nasod.
