BUTUAN CITY – Gipadayag ni presidential sister Senadora Imee Marcos nga kinahanglang ang mga magbabalaod ang manguna sa lifestyle check nga gimando ni Pangulong Ferdinand Marcos Jr. subay sa kontrobersiya ug imbestigasyon sa mga anumalusong flood control projects.
Sumala ni Senadora Imee, isip mga public servants, kinahanglang sila ang manguna sa gimandong lifestyle check sa mga opisyal sa gobyerno.
Sa kabahinan sa senadora, abli siyang ipagawas ang iyang Statement of Assets, Liabilities, and Net Worth (SALN) tungod kay public document man kini.
Gawas sa lifestyle check, kinahanglan usab matud pang imbestigahan ang negosyo sa mga politiko.
Ang pamahayag ni Senadora Imee Marcos.
Samtang gibutyag usab ni Senadora Risa Hontiveros nga andam siyang mupa-ilawom sa lifestyle check ug magpagawas sa iyang Statement of Assets, Liabilities, and Net Worth (SALN) arun mapakita ang iyahang middle-class nga estilo sa pagkinabuhi.
Nagtoo si Hontiveros nga makatabang ang lifestyle check aron makunhuran ang dili maayong paggamit sa mga public fund para sa mga proyekto sa gobyerno.
Si Senadora Risa Hontiveros. Una na usab nga nagpadayag og suporta ang liderato sa Senado sa mando sa presidente nga lifestyle check.
