BUTUAN CITY – Nakatakdang ipatawag ang Department of Foreign Affairs (DFA) mahitungod sa imbestigasyon sa nakaplagan nga submersible drone sa mga lokal nga mangingisda sa San Pascual, Masbate.
Ang nasangpit nga drone dunay kataas nga unom ka tiil ug gama sa PVC ug puthaw. Gitoohang usa ka remote-controlled ang drone nga gigamit para sa komunikasyon ug nabigasyon sa ilalom sa tubig.
Alayon niini, wala na naghatag og opisyal nga pamahayag ang Embahada sa China sa Maynila, ug ilang gipasa ang mga pangutana sa mga media ngadto sa Beijing alang sa dugang pagklaro.
Tungod niini, dunay panawagan para sa makusing imbestigasyon sa insidente diin gipadayag ni Senate Majority Leader Francis Tolentino ang iyang plano nga magduso og usa ka resolusyon aron sayron ang gigikanan sa drone ug ang mga posibleng implikasyon niini sa seguridad sa Pilipinas. Sumala sa senaodr nga ang kulay niining yellow nagpakita nga kini gigamit sa mga scientific research.
Gipunto pa niini nga ang mga marine scientific research, ilabina kung mogamit og drone, kinahanglang musunod sa parehong United Nations Convention on the Law of the Sea (UNCLOS) ug mga balaod sa Pilipinas.
