BUTUAN CITY-Inagurahan karong adlawa ni Department of Transportation (DOTr) Secretary Art Tugade ang mga development projects sa Butuan Airport ug Cantilan Port sa Surigao del Sur alang sa patas ug inclusive growth nga ipabati sa mga Caraganons.
Pangunahan ang insgurasyon nila Secretary Tugade, kauban si Director General Aviation of the Philippines (CAAP) Director General Jim Sydiongco kondiin himuon ang ribbon cutting ceremonies sa runway sa Butuan Airport apil na sa passenger terminal building (PTB) ug sa Malasakit Hall aron mapa-uswag ang air mobility sa rehiyon.
Madumdumang natapos niadtong Nobyembre 5,2020 ang Malasakit Hall sa Bancasi Airport kansa usa ka parte sa modernisasyon sa tugpahanan ug paghatag og serbisyo nga nakasentro sa mga tawo kansa magsilbing transient spot alang sa flying public.
Ang maong hall adunay usa ka klinika, childcare room, lounge, usa ka prayer room, washroom, ug concession space aron haruhay ang mga pasahero.
Ang pagpalambo sa Butuan Airport naglangkob usab sa pag-aspalto sa runway, nga nakumpleto niadtong Hulyo 31 ning tuiga ingun man ang pag-renovate niini ug subling pag pintal sa passenger terminal.
