BUTUAN CITY – Gidauban sa usa ka lalaki sa New York ang kaugalingon niini human nagpaulan og mga pamphlets sa kadalanan gawas mismo sa korte asa gihimo ang trial ni kanhi Presidente sa USA nga si Donald Trump. Sa kasamtangan, wala pa mahibaw-e ang motibo sa maong lalaki kansa kasamtangang kritikal ang kondisyon sa balay-tambalanan.
Kini atul sa pagsalmot ni Trump sa pagpili sa mga huwes sa kaso niini mahitungod sa hush-money nga iyahang gikalambigitan. Atul sa maong panghitabo, gipanganlan na sulod sa korte ang mga huwes sa nga gilangkuban sa pito ka mga lalaki ug lima ka mga babaye, ug laing unom pa kabook isip mga backups. Kini na ang pinakaunang higayon nga moatubang ang usa ka kanhi Presidente sa maong nasod sa nasangpit nga bug-at nga pagsulay sa balaod.
Sa kasamtangan, wala pa gihapon matino ang rason sa lalaki nga ningdaub sa kaugalingon niini.
Kahinumdumang giakusahan si Trump tungod sa pagsulay niini og cover-up sa $130,000 nga bayad sa hush-money sa porn star nga si Stormy Daniels sa wala pa siya nakadaog sa 2016 nga eleksyon.
Kahinumdumang ning plead si Trump og not guilty sa 34 counts sa fraud, ingon man gi panghimakak usab niini nga nagkarelasyon sila sa nahisgutang pornstar.
