BUTUAN CITY – Hisgutan sa Senado karong Agusto 6 kung unsa ang sunod pa nilang himoon human gideklara sa Korte Suprema nga unconstitutional ang Articles of Impeachment batuk kang Vice President Sara Duterte nga gi-transmit sa House Representatives.
Sumala ni Senate President Chiz Escudero, ang maong petsa maoy nasabutan sa mga ka-ubanan nilang present sa caucus arun matun-an ang desisyon sa korte Suprema.
Sigon sa Senate president, dili na kinahanglan pang mag-convene ang Senate Impeachment Court arun desisyonan ang maong kaso tungod kay nakadesisyon na ang Korte Suprema nga void ab initio kon wala na kini bili sukad pa sa sinugdanan, madawat man kini o dili sa mga Senador, rason nga kinahanglan kining tumanan arun walay mahitabong constitutional crisis.
Importante usab nga ang Senado na lang ang magdesisyon sa maong lakang, arun dili na makalapas ang impeachment court sa desisyon na ang Korte Suprema.
