BUTUAN CITY – Posibleng ipagawas na ning bulana ang desisyon ni Pangulong Ferdinand Marcos Jr. sa gi-review na niyang accomplishment report sa Independent Commission for Infrastructure’s kon ICI.
Sigon ni Palace Press Officer Claire Castro, kinahanglang ipadayon sa ICI ang paghimo sa ilang mandato samtang naghulat sa resulta sa mahimong desisyon sa pangulo kung ipadayon o dili ang ilang pagtrabaho.
Una nang gipadayag ni ICI Chairman Andres Reyes nga mutrabaho sila hangtud kanus-a sila tugutan apan karon nga wala pa’y mga restrictions, magpadayon sila sa ilang trabaho.
Dugang pa ni Castro, wala pa magtagbo sila Pangulong Marcos ug Reyes aron hisgutan ang maong kaugmaon sa ICI apan gi-review na sa presidente ang ilang 125 ka adlaw nga report.
Ning mi-aging adlaw, gipadayag usab ni Reyes nga iya nang gi-andam ang 140-ka adlaw nga report nga nagdetalye sa mga accomplishments sa komisyon uban sa dugang mga rekomendasyon.
Nasayrang dili lang si Reyes ang nagpabiling commissioner sa ICI human ang pag-resign nila kanhi Public Works Sec. Rogelio “Babes” Singson ug SGV Country Managing Partner Rossana Fajardo.
