BUTUAN CITY – Sugdan sa Police Regional Office 6 ang deployment sa ilang mga sakop ugmang adlawa Sabado, Pebrero 28 isip parte sa pagmintina sa seguridad sa Association of Southeast Asian Nations (ASEAN) 2026 sa Isla sa Boracay.
Sigon ni P/Major Lailyn Sencil, tigpamaba sa PRO-6, idungan kini sa temporaryong pagsuspende usab sa Permit to Carry Firearms Outside Residence nga
magsugod unyang alas-12:01 sa tungang gabii hangtud sa alas-11:59 sa gabii sa Marso 8, ingon man sa Marso 21 hangtud 28, Septyembre 17 hangtud 27 ug sa Nobyembre 14 hangtud 22 alang sa nagkada-iyang ASEAN engagements.
Nagbahad ang PRO-6 nga mag-atubang og kaso ug mahimo pang ma-revoke ang permit ug licensed to own and possess firearms registration sa mga makalapas niini.
Ang pinakadakong panagtigom sa Boracay mahitabo sa Marso 26, pinaagi sa 44th ASEAN Capital Markets Forum Chairs’ Meeting nga pangunahan sa Securities and Exchange Commission aron i-asdang ang capital market integration ug sustainable finance initiatives.
