BUTUAN CITY- Ginakonsidera na sa Department of Education (DepEd) ang pagpatuman sa trimester system sa school year 2026–2027 aron mas mapaayo ang tuloy-tuloy nga pagkat-on ug maminusan ang trabaho sa mga magtutudlo.
Ang plano nagbahin sa 201 ka adlaw nga klase ngadto sa tulo ka terms: First term gikan Hunyo–Setyembre, 2nd term gikan Setyembre–Disyembre, ug 3rd termn gikan Enero–Marso.
Matag term adunay 54–61 ka adlaw nga klase nga gamay ra ang interruptions ug adunay panahon para sa remediation, assessment, ug teacher planning.
Sumala ni Education Secretary Sonny Angara, ang tumong mao ang mas taas ug tuloy-tuloy nga panahon sa pagkat-on, mas maayos nga pacing sa mga aralin, ug mas gamay nga administrative burden sa mga guro.
Ang DepEd nagplano usab nga ang mga mandated celebrations ug observances ipasulod na lang sa mga klase pinaagi sa mga proyekto, pagbasa, ug diskusyon imbes nga maghimo og separate nga programa nga makapahunong sa leksyon.
Ang DepEd magpagawas og detalyado nga policy guidelines sa trimester system human sa konsultasyon sa mga eskwelahan, magtutudlo, ug stakeholders.
