-- ADVERTISEMENT --
BUTUAN CITY – Halos andam na ang tanan alang sa himoong Caraga Regional Athletic Games 2024 nga gitakda karong Mayo 5 hangtud 11 diin host niini ang Agusan Del Sur.
Sigon ni Pedro Tecson, tigpamaba sa Department of Education kon DepEd-Caraga, gagmay nga adjustments na lang ang himoon sama sa pag-abot sa delegasyon kondiin gila-umang mu-abot sa 8-mil ka mga delegado ang mu-apil sa maong padula.
Plastado na usab ang ilang billeting quarters ug tungod sa ka-init sa panahon, isuspende ang mga dula sugod sa alas 11:00 sa buntag ngadto sa alas 3:00 sa hapon.
Sa himoon usab nga opening, lauman ang mga bisita gikan sa Department of Education -Central Office, ug mga dagkong opisyal sa mga local government units.
