BUTUAN CITY – Gipadayag ni Bernard Clement ‘Boyet’ Abellana, Regional Sports Coordinator sa Department of Education kon DepEd-Caraga, nga 85 porsiento nang andam ang DepEd-Butuanpag-host sa 21st Caraga Regional Athletic Meet kon CRAM 2018 nga sugdan karung Pebrero 25 ngadto sa Marso 5.
Sigon ni Abellana, lauman nilang karung adlawa ma-deliver na ang tanan ekwepo para sa dula.
Samtang mukabat sa 650 ka mga officiating officials nga langkuban sa 650 ka mga technical officials ang napili human ang officiating seminar niadtong Agosto ug Setyembre ning mi-aging tuig.
Sa pagkakaron, pipila nalang ka dibisyon ang wala pa’y delegasyon sa gitagana kanilang mga billeting quarters, sama nalang sa dibisyun sa Cabadbaran City ug Dinagat Islands nga laumang muabot karung adlawa.
Gibutyag sa opisyal nga ang matag-dibisyun na ang magpatuman sa ilang estratehiya atol sa mga dula ilabina sa ilang mga dula nga ipahigayon dinhe sa Butuan City, mga lungsod sa Buenavista ug lungsod sa Nasipit parehong sakop sa Agusan Del Norte.
Muabot sa 26 ka mga events ang tigi-an sa matag dibisyun sama sa archery nga dulaon sa Buenavista, ang arbus nga himoon sa Agusan National High School ning siyudad og ang taekwondo nga dulaon sa inilang mall ning dakbayan.
Ugmang adlawa, Pebrero 24 ipahigayon ang solidarity meeting sa ala-una sa hapon sa Butuan Central Covered Court aron plantsahon ang mga rules nga masabutan nga maoy ipatuman sa CRAM samtang sa petsa 25 ang assembly time adiser magsugod ang parade padulong sa mall diin himoon ang pormal nga pag-abli sa CRAM. (Rolan Janea)
