BUTUAN CITY – Ningkabat na sa 4.08-M tourist arrivals ang natala sa Department of Tourism karong tuiga, sumala pa ni DOT Secretary Christina Garcia-Frasco, subra na kini og katunga sa target sa maong buhatan nga mga turistang mo laag sa Pilipinas karong tuiga kansa anaa sa 7.7 million.
Sumala pa ni Frasco nga taliwala pa man nga duna pa sila’y 3.61 million nga kinahanglang kab-oton sa nahabiling mga bulan ning tuiga, nagpakita na matud pa og lig-ong timailhan ang sektor sa torismo sa Pilipinas nga nakabangon na kini.
Kahibaloang ningkabat na ang Tourism revenues sa Pilipinas gikan niadtung Enero ngadto sa Agusto ning kasamtangang tuig 2024 sa P362 billion, kansa bugti sa 11.17 percent nga pagsaka sukad niadtung pre-pandemic levels.
Dugang pa ni Frasco nga nagpasabot lamang kini nga duna matud pay nagahitabong global interst sa Pilipinas, ingon man nagpasabot usab ang maong mga datus nga nakarekober na nasod gikan sa pandemya.
Alayon niini, gikutay ni Frasco ang maong kalampusan sa mga inubasyon ingon man mga beyond-traditional marketing strategies sa turismo sa Piliipnas.
