BUTUAN CITY – Muabot sa 30 ka mga evacuation center sa rehiyon sa Caraga ang natapos na samtang upat ang nagpadayon pa ang pagtukod sukad nga gisugdan ang Disaster Reselience Program sa gobyerno niadtong 2016 hangtud sa 2023.
Sigon ni Connie Calo, tigpamaba sa Department of Public Works and Highways kon DPWH-Caraga nga ang evacuation center nga kumulo pa ang pagtukod nagsumikad sa Bayugan City ug Cagwait, Surigao Del Sur lakip na ang Carmen og Tubod sa Surigao Del Norte.
Sumala ni Calo nga dunay standard ang gihimong evacuation center nga gipondohan og 36 milynes pesos kada building niadtong 2016 hangtud sa 2021. Mas ubos usab ang anaa sa 33 milyones pesos ang pondo kada building sa tuig 2022 og sa nakalabay nga tuig anaa sa 35 milyones pesos kada building.
Giklaro usab sa opisyal nga human maturn-over ngadto sa lokal nga kagamhanan, ang pagmintina og pagmonitor sa maong evacuation center gisalig na sa LGU.
Magdepende na usab sa LGU ang pag-request ug evacuation center.
Ugaling dili ma-igo sa evacuation center ang apektadong indibidwal sama sa Butuan City nga duna lay duha ka evacuation center nga nahimutang sa Barangay Baan km-3 og Tiniwisan, dinhe nagamiton ang mga public building sama sa eskwelahan.
