BUTUAN CITY-Andam ang Pilipinas nga i-repatriate ang mga overseas Filipino workers (OFWs) sa Taiwan sa higayon nga mograbe ang tensyon batok sa China, kini ang gikataho ni Department of Migrant Workers (DMW) Secretary Hans Leo Cacdac.
Sumala niini nga nakig-alayon na ang ilahang ahensya sa mga hingtungdang ahensya sa gobyerno maong nasod. Sa kasamtangan, wala pa gikabutyag sa maong opisyal kon unsaon sa ilahang ahenasya pag repatriate sa mga overseas Filipino workers sa Taiwan nga anaa sa 150,000 tungod kay sensitibo matud pa ang maong butang.
Hinuon, gipasalig sa opisyal nga aduna nay contingency plan ang pagpabakwit sa mga overseas Filipino workers kon OFW, ugaling dunay moulbong panghitabo sa nasangpit nga nasod.
Giila usab sa gobyerno ang mga convergence points aron madala ang mga Filipino sa Taiwan sa luwas nga lugar kung kinahanglan ang pagpauli. Dugang niini, gipaniguro sa maong opisyal nga nagmontar na ang pangamhanan sa Taiwan og mga pasilidad nga luwas alang sa tanan, ilabi na kon mo grabi ang gyera sa maong nasod.
Ninghimo og pamahayag ang si Department of Migrant Workers (DMW) Secretary Hans Leo Cacdac human nagpahigayon ang China ug 2 ka adlaw nga military drills sa Taiwan Strait aron sulayan ang ilang abilidad sa pag-ilog sa nasangpit nga nasod.
