BUTUAN CITY – Isip tubag sa kamanduan sa Malacañang nga magdaginot sa enerhiya taliwa sa tensyon sa Middle East, gipatuman na sa Department of Education (DepEd) ang upat ka adlaw nga onsite work kada seaman alang sa tanang non-teaching personnel niini sugod kagahapong adlawa Lunes, Marso 9.
Sa gipagawas nga memorandum ni Education Secretary Sonny Angara, gibutang ang araw nga Biyernes isip work-from-home day alang sa mga nasangpit nga empleyado, lakip ang mga anaa sa contract-of-service ug job order.
Bisan paman, gitin-aw sa DepEd nga dili sakop sa direktiba ang mga magtutudlo.
Padayon nga sundon sa mga niini ang ilang regular nga class schedules aron maseguro ang padayon nga pagpahigayon sa mga klase ug end-of-school-year activities.
Ang lakang sa DepEd direktang musunod sa Memorandum Circular No. 114 sa Palasyo nga gipirmahan ni Executive Secretary Ralph Recto niadtong Marso 6.
Tumong sa kamanduan nga palihukon ang mga ahensya sa gobyerno nga magdaginot aron maminusan ang epekto sa volatility sa presyo sa petrolyo hatud sa kagubot sa Tunga-tungang sidlakan.
Gawas sa flexible work arrangements, gitahasan usab sa ahensya ang tanang buhatan niini nga magpatuman og energy conservation protocols.
Target sa ahensya nga mapakunhod og 10% hangtud sa 20% ang konsumo sa kuryente ug krudo.
Kauban sa mga hugot nga lakang ang pagtakda sa mga air conditioners sa 24 degrees Celsius, pag-activate sa sleep settings sa mga gamit sa opisina, ug pagpatay sa mga dili esensyal nga suga og electronics ugaling lunch break ug pagkatapos sa oras og trabaho.
