BUTUAN CITY – Malipayong gidawat sa Department of Education (DepEd) si Senador Sonny Angara isip kalihim sa edukasyon sa Pilipinas, kansa maoy hulip ni Vice President Sara Duterte nga ningluwat sa maong pwesto ning nakalabay nga semana.
Subay sa opisyal nga pamahayag, naglaom matud pa ang Department of Education (DepEd) community nga makatrabaho si Senator Angara sabay sapadayong pag-asdang sa quality basic education sa nasod.
Kahinumdumang wala nag hatag og rason si Vice President Sara Duterte sa pagluwat niini isip kalihim, apan gikabutyag niini nga ang maong lakang, timailhan matud pa sa iyahang malasakit ngadto sa mga estudtyante ug mga magtutudlo, ug dili matud pa sa pagpanalaw.
Sa laing pamahayag, nagpahayag sa ilahang paglaum ang advocacy group nga Philippine Business for Education (PBEd) nga mapalig-on matud pa sa mga kaagi ni Angara ang mga solusyon sa isyu sa edukasyon.
