BUTUAN CITY – Dili na maglisod ang mga moduol sa buhatan sa Department of Education kon DEPED Caraga, tungod kay konkreto naman ang mga lakang nga ginahimo sa mga personahe niini, kini ang gikabutyag ni Mr. Pedro Tecson, ang tigpamaba sa maong ahensya, human nga nahatagan og International Organization for Standardization kon ISO certification ang nasangpit nga ahensya ning naka labay nga semana.
Sumala pa ni Mr. Tecson nga dunay ginasunod ang ilahang buhatan nga One DEPED National Quality System kansa maoy ilang sumbanan arun nga ma mentina ang ISO 9001:2015 Certificationh.
Tumong matud pa sa DEPED alang sa pagtinguha og pagkab-ot sa maong award, mao nga makahatag og high standard nga serbisyo sa ilahang mga customer, ilabi na sa mga estudyanteng Caraganons.
Dugang pa, gikataho usab sa opisyal nga gisudlan na nila ang tanang mga pamaagi sa pagproseso sa mga transaksyon sa ilahang serbisyo, sama sa online, in-person, o kaha mga on-site processes alang sa dali og hapsay nga serbisyo ngadto na sa mga katawhan.
