BUTUAN CITY – Gikabutyag ni Department of Agriculture (DA) Undersecretary Asis Perez ang pagrekomenda sa ahensiya sa pagpa-taas pa sa taripa sa bugas ngadto sa 50% kaniadto.
Sa pagdungog sa Senado nga gipangunahan sa Senate Committee on Agriculture, Food and Agrarian Reform, gikataho ni Usec Perez nga ang kanhing rekomendasyon kay ang 50% nga pagsaka sa taripa sa bugas, apan baliktad hinoon matud pa ang nahitabo, diin imbis nga mo saka sa 50%, ning ubos naman matud pa hinoon kini ngadto sa 15% na lamang.
Gihimo matud pa ang maong rekomendasyon atubangan mismo sa Committee on Tariff and Related Matters (CTRM), usa ka Cabinet-level inter-agency committee nga naghisgot sa mga isyu mahitungod sa taripa.
Ang maong rekomendasyon kay isubmite sa National Economic and Development Authority (NEDA) board, kansagipangulohan sa Presidente sa nasod.
Bisan pa man niini, gikunsulta gihapon matud pa ang Department of Agriculture kon DA sa pag ubos sa taripa adiser pa kini na aprobahan.
Kahinumduman nga gikan sa 35% nga kanhing taripa sa bugas, giubos kini sa 15% sa kagustuhan sa pangamhanan nga moubos ngadto na sa P7.00 ang kilo sa bugas sa Pilipinas.
