BUTUAN CITY – Dili i-rekomenda sa Department of Agriculture kon DA nga pasakaan pa ang rata as taripa sa Bugas sa Pilipinas karong umalabot nga Periodic review ni Presidente Ferdinand Bongbong Marcos Jr. sa Executive Order (EO) 62 karong Nobyenbre, kansa maoy nagpakunhod sa taripa sa Bugas sa Pilipinas ngadto na sa 15% gikan sa 35%.
Sayran nga gikinahanglang i-review sa Presidente ang nasangpit nga Executive Order matag upat ka bulan gikan sa pag-epektu niini niadtung Hulyo.
Matud ni DA Assistant Secretary ug spokesperson Arnel de Mesa nga wala matud pa silay nakita nga rason arun pasak-an pa ang nasangpit nga taripa sa mismong Executive Order.
Una nang gikataho ni Agriculture Secretary Francisco Tiu Laurel Jr. niadtung Hwebes, Syeptembre 12, nga mamahimo matud pa nilang e-rekomenda sa Presidente ang pagpasaka unaya sa taripa sa mga imported nga bugas ugaling makitaan og dakong pagkunhod sa presyo sa mga retail nga bugas sa P42 ngadto sa P45 matag kilo.
Apan pasabot ni Arnel de Mesa nga sayo pa para masinati sa mga kunsumador ang epektong hatud sa pagpakunhod sa taripa sa imported nga bugas sa nasod. Dugang sa nahisgutang opisyal nga anaa matud pa sa 2.2 millione metriko tonelada sa imported rice ang ning-abot sa Pilipinas sulod sa ungang unom ka bulan sa tuig 2024 ug gipalit pa kini sa taas nga taripa, kansa anaa pa sa 35%, rason nga kinahanglan una nilang ma dispose ang nasangpit nga mga bugas, adiser mabati sa mga kunsumador ang epekto sa gipaubsanga taripa nga ana na tunga-tunga sa tuig.
