BUTUAN CITY – Naglain ang buot sa komedyanteng si Dennis Padilla tungod sa dili maayong pagtratar sa iyang anak nga si Claudia ngadto kaniya, ang iyang anak kang Marjorie Barreto.
Sa iyang social media account, gi-share sa aktor ang pagtambong sa kasal sa iyang anak nga si Claudia ngdto kang Basti Lorenzo.
Gibutyag niini nga nabudol siya tungod kay imbes ang pagtratar kaniya usa ka amahan sa bride, bisita na lang hinuon kini tungod kay wala siya’y papel sa kasal ug wala usab siya’y imbitasyon apan nagpabaga lang siya sa iyang nawong.
Pipila sa mga fans ug higala sa komedyante ang misimpatiya kaniya aron dili mawad-a’g kusog. Madumdumang ning nakalabay’ng
buwan, malipayon pang gi-share sa aktor ang reunion nila sa iyang tulo ka mga anak nga sila Julia, Claudia ug Leon.
