BUTUAN CITY – Human ang pagpakanaog sa hukom nga 40 ka tuig nga pagkabilanggo sa kasong gipasaka ni Vhong Navarro nga miresulta sa sunod-sunod nga pagsurender sa negosyanteng si Cedric Lee, modelong si Deniece Cornejo ug Simeon Raz, laing kontrobersiya na usab ang mitumaw.
Gikalibgan karon sa pipila ka mga netizens ang authenticity sa mga mugshots nila Cornejo ug Raz nga gipagawas sa mga pulis tungod kay makita matud pa angkalahian sa ilang panagway.
Ang uban nagpadayag lang sa ilang reservations, bisan sa kalahian sa ilang mugshots ug sa ilang na-ilhang mga nanurender samtang ang uban, mipadayag usab sa ilang kawalay pagsalig sa mga otoridad nga mikuha sa maong mugshots.
Kini nga kadudahang mugshots nagsugnod pa sa mga pagtuo sa pagpanglimbong nga naglimen sa kaso.
Gawas sa pagpagawas sa mugshots, gipahibalo usab sa Philippine National Police (PNP) nga gibalhin na si Deniece Cornejo ngadto sa Correctional Institution for Women human nakonbikto sa kasong serious illegal detention with ransom nga gipasaka ni Vhong Navarro batuk kaniya.
Samtang si Simeon Raz, kinsa lain usab nga akusado, anaa sa Diagnostic Center sulod sa New Bilibid Prison.
Kagabii mitahan si Cedric Lee, usa sa mga main suspects, ngadto sa National Bureau of Investigation (NBI), diin gikuhaan usab siya og mugshot taken ug karon gipriso na.
