BUTUAN CITY – Gipirmahan ni Dinagat Islands provincial Governor Arlene ‘Kaka’ Bag-ao ang Executive Order No. 08-001 – ang kamanduang nag-establisar og interventions og nagmando sa pagsalmot sa tanang Local Government Units og mga ahensyan ingon man buhatan sa probinsyal nga panggamhanan ingon man sa publiko nga aksyunan ang dengue epidemic sa ilang lalawigan.
Sa eksklusibong pakighinabi sa Bombo Radyo Butuan, gipadayag ni Vice Governor Noli Demerey Jr. nga isip suporta, nagpalabang ang Sangguniang Panlalawigan og resolusyon nga naghatag og kagahom sa gobernadora pag-establisar og Quick Response Fund kon QRF nga kuhaon gikan sa Local Disaster Risk Reduction and Management Fund.
Pinaagi niini, mapatuman unya ang programang mao unya’y mubatuk sa dengue epidemic nga nagtunhay karon sa ilang lalawigan.
Gibana-banang 10-milyunes pesos ang gahin nga gamiton pagpalit og dengue testing kits alang sa mga pasyenteng gidudahang duna’y sakit nga dengue.
