BUTUAN CITY – Gibulgar ni Vice President Sara Duterte ang matud pa pagbayad sa iyang mga kalaban ug kaaway sa pulitika para lang daoton ug atakehon siya.
Gihimo sa ikaduhang Pangulo ang pagbulgar sa usa ka meet-and-greet kauban ang iyang mga tagasuporta sa Tokyo, Japan.
Sigon sa besi presidente Sara, 25 milyones pesos ang pasiunang kantidad nga gigastos o gibayad sa iyang mga kaaway, samtang mas dako nga kantidad pa ang gilaumang ipagawas aron molapad ang pagpangdaot batuk kaniya.
Saysay pa ni Duterte nga niadong 2023 sa budget sa Department of Education (DepEd) ug Office of the Vice President (OVP), gisultihan siya sa kaila niya sa sulod sa Public Relations (PR) industry sa NCR nga ang unang bayad 25 milyon para sa mga atake batuk kanya.
Una nang nakigkita ang Bise Presidente sa iyang mga tagasuporta sa Ginza, Tokyo, kapin usa ka semana human ang gihimong rally sa mga niini sa Shibuya crossing sa Tokyo aron ipakita ang ilang suporta kang Duterte.
Pagbulgar sa Bise Presidente nga ang uban sa mga miatake kaniya karun, mga higala niya sukad pa niadtong 2016 ug 2019 apan wala na hinooy gibulgar nga ngalan ang opisyal.
