BUTUAN CITY – Wala mahinayon ning adlawa ang gitakda untang pag-demolish sa mga balay nga nasulod sa gi-ukupahan sa mga membro sa United New Society Village Homeowners Association ning siyudad sa Butuan.
Kini human nga hingpit nang gipatuman sa Korte Suprema ang demolition order nga gipagawas dihang wala na makakuha og temporary restraining order kon TRO ang kampo sa asosasyon aron pugngan ang gipagawas nga writ of demolition.
Gipasabot ni Butuan City Councilor Rema Burdeos nga ang wala mahinayong pagpatuman sa demolition order mugna sa dili maayong lakat sa panahon nga naghatud og pag-ulan ulan kansa gidili sa balaud.
Gawas pa minos na ang oras nga nahabilin aron kini ipatuman tungod kay kutob lang sa alas-kwatro sa hapon kinahanglang himuon ang demolisyon. Hinuon giklaro ni Atty. Rema Burdeos nga bisan og nasulod ang iyang panimalay sa lugar nga cover sa demolisyon, magpabilin pa gihapong lehitimo og epektibo ang writ of demolition hangtud nga wala’y makuhang TRO ang mga membro sa homeowners association.
Samtang sa isyu usab sa pagpasira sa Land Transportation, Traffic and Management Office kon LTTMO-Butuan sa may Montilla Boulevard ug Ipil Road, gipabalik niya kini og abli ngadto sa mga tawo ug mga motorista human nasuta nga wala’y igong legal nga basehan aron kini sirad-an kansa nakahatag na og kahasol sa mga tawo.
