BUTUAN CITY – Aminado ang Democrats nga nagproblema sila karon human ang performance ni United States President Joe BIden sa una nilang TV debate ni kanhi President Donald Trump.
Base sa statistics nga gi-compile sa debate host channel CNN, nanguna si Trump sulod sa 23 minutos niining pagyawyaw kumpara kang Biden nga nakabuga og pamahayag sulod sa 18 minutos , sa unang 45-mnutos sa ilang debate.
Pareho silang gihatagan og patas nga oras sa pagtubag ngadto sa mga pangutana bisan og dili nila kinahanglang gamiton ang entiro oras.
Namatikdan usab nga na-calibrate ni Trump ang iyang performance alang sa TV screen tungod sa klaro ug kusog niining pagpadayag bisan og dili kini susama kakusog sa iyang pagbomba sa iyang mga rali.
Gika-ingon pa sa mga naka-obserba nga mas sakto sa iyang mga tubag si Trump samtang misulay pagpasabot sa iyang mga punto diha sa campaign event stage.
Nangutana si CNN moderator Dana Bash kalabot sa usa sa pinaka-importanteng isyu sa mga botante alang sa umalabot nga eleksyon – ang abortion.
Dinhi gipangutana si Trump kung iya bang babagan ang abortion medication nga gitubag usab niini og dili, tungod kay ang Supreme Court, midesisyon man pabor sa katungod sa pagpatambal.
Kini matud pa ang gusto sa tanan rason nga wala siya’y rason aron babagan ang desisyon sa Korte Suprema.
Samtang gipadayag ni Biden nga ang pag-repeal sa Roe vs Wade – nga nag-establisar og constitutional right ngadto sa abortion – mao ang pinaka-teribleng nahitabo.
Sigon ni Biden, kadaghanan sa mga constitutional scholars misuporta sa Roe vs Wade dihang kini nadesisyunan, kansa kataw-anan alang niadtong mga supak niini.
Gidugang pa niini nga ang ideya nga ang mga estado duna’y kaugalingong mandato kalabot sa mga abortion regulations, susama ra nga ang matag-estado, duna’y managlahing patakaran sa civil rights.
Dugang pa ni Biden, ang choice sa pagpa-abort, mag-agad na tali sa babaye ug sa iyang doktor dayong saad nga iyang ibalik ang Roe vs Wade, higayong subli siyang mapili.
