BUTUAN CITY – Gikostudiya na sa Butuan City Police Station 2 alang sa tukmang disposisasyon ang usa ka Street Level Individual ug ang nakuha gikan kaniya nga mga epektos human ang malampusong kampanya batuk sa ilegal nga drug pinaagi sa gilusad nga buy-bust operation sa may Purok 1, Brgy. Obrero, ning siyudad kaganinang alas-12:42 sa kaadlawon.
Naila ang dinakpan nga si Al Dalida Edmilao III, 45-anyos, ulitawo, usa ka foodpanda rider, ug residente sa Phase 3 Block 2 Lot 24 sakop sa Brgy. Ambago ning siyudad.
Nadakpan siya human na-aktuhang namaligya og illegal drugs dihang nakapalit kaniya ang usa ka poseur-buyer og usa ka selydadong transparent plastic sachet sa gitu-uhang shabu nga mao ang buy-bust item ug laing upat ka sachets sa susamang epektos nga mitimbang og 3-gramos ug gibana-banang nagkantidad og 20,400-pisos.
