BUTUAN CITY – Gihimo ang balaang misa sa Lumbocan National High School sa Brgy. Lumbocan ning siyudad sa Butuan kansa sigon ni Fr. Michael Casinillo, ang chief exorcist sa Diocese of Butuan, nga gisundan sa blessed sacrament dayon ang pag-administer og deliverance and exorcism session sa ubang mga estudyanteng gibani-og na nga gisaniban.
Sa eksklusibong pakighinabi sa Bombo Radyo Butuan, gi-angkon ni Fr. Casinillo nga pipila sa mga estudyante sa maong tunghaan ang makosidera niyang nakasinati og demonic possession.
Kini human ang iyang pag-administer og deliverance session kondiin pipila ka mga estudyanteng babaye ang nagpakita og manifestation sa demonic possession kansa una nang ginegar ni school principal Rachelle Rendon nga tungod lang sa heat exhaustion.
Gibutyag ni Fr. Casinillo nga ang iyang assessment base na usab sa pagka-ulian sa mga estudyanteng ilang gibisbisan og holy water ug gihaplasan og olive oil.
Sa lantaw usab sa chief exorcist, duna’y uban sa mga estudyante nga psychological effect lang tungod sa gibatig kahadlok.
Giklaro usab ni Fr. Casinillo nga ang tanang pari duna’y kapasidad nga mag-administer og deliverance session ilabina sa mga parokyanong makita nga gi-harass sa mga panuway.
Gipasabot pa ni Fr. Casinillo nga usa sa mga hinungdan nga makasinati niini ang usa ka tawo tungod sa pagduol sa mga manambalay aron magpabisaya ingon man ang pagsuot-suot og habak kansa paagi matud pa sa pag-worship kon pag-ampo sa mga diyos-diyos kansa kalapasan sa kamanduan sa Diyos nga siya lang ang higugmaon.
