BUTUAN CITY – Nabasura usab ang interes sa kabus nga maguuma ug mamumu-o dungan sa pagbusara sa gamhanang Commission on Appointments kon CA sa ad interim appointment ni Agrarian reform Sec. Rafael Mariano.
Kini ang reaksiyun ni Anakpawis Party-list Representative Ariel “Ka Ayik” Casilao sa eksklusibong pakighinabi ning sibyahan.
Sigon ni Congressman Casilao, nabasura usab ang saad ni Pangulong Rodrigo Duterte mahitungod sa libreng pag-apod-apod sa yuta, sa rural development og kasiguruhan sa pagkaon.
Samtang wala na gikatingala sa kongresista nga ang ubang oppositors mga landlord state. Apan mas magkondena matud pa sila sa pag-apil sa mga heneral nga sila Defense Secretary Delfin Lorenzana ug AFP chief of staff Eduardo Año lakip na si Davao City Mayor Sarah Duterte nga nag-file ug opposition sa kumpirmasyon ni Mariano tungod sa alegasyong dunay direktang partisipasyon si sec. Mariano sa pagpanunog sa mga ekwepo sa usa ka corporasyon sa Davao City nga gihimu mismo sa mga NPA.
Samtang gipamugos ni Congressman Casilao nga ang maong pagbasura sa appointment, wala nagpasabot nga gi-abandona na usab ni Pangulong Rodrigo Duterte nga makatimbayayong ang progresibong pundol sa iyang administrasyon.
Kundi nagpadayag lang kini nga gihatagan ug uportunidad ang grupo nga mahimong kabahin sa Duterte Administrasyon. Napamatud-an matud nila kanhe Social Welfare Sec. Judy Taguiwalo ug DAR Sec. Mariano sa usa ka tuig nilang serbisyu nga transparent ang ilang rekord ug matinud-anon ang serbisyu nga pabor sa katawhang gia-alagaran.
Apan nagmadaugon lang matud pa ang naligsang interes sa gamhanang indibidwal.
