BUTUAN CITY – Gibulgar sa Presidential Anti-Organized Crime Commission (PAOCC) nga daghang mga personahe niini ang nakadawat og hulga sa kamatayon tungod sa ilang imbestigasyon sa ilegal nga Philippine Offshore Gaming Operator (POGO) hubs.
Gumikan niini, kanunay matud pa silang nakaalaeto alang sa bisan unsang posible nga insidente sa ilahang kinabuhi, sumala ni PAOCC spokesperson Winston John Casio .
Kahibaloan nga ang PAOCC maoy nagpaluyo sa pipila ka bag-ong pag-aresto sa mga Philippine Offshore Gaming Operator (POGO) hubs nga nalambigit sa mga kriminal nga kalihokan, lakip na kadtung anaa nababasi sa Bamban, Tarlac ug Porac, Pampanga.
Kahibaloang tungod sa maong operasyon, liboan ka mga Pilipino ug langyaw nga mga nasyonal, lakip ang mga Intsik, Malaysian, ug Vietnamese, ang naluwas, diin pipila pa sa mga niini ang gipang torture ug kidnap.
Alayon niini, gikataho ni Casio nga usa lang ka civilian agency ang Presidential PAOCC ug mga analista lang usab ang ilahang mga personahe nga dili mogamit og armas panahon sa mga raid operations.
Una nang gikabutyag sa PAOCC nga duna nay dul-an 300 ka POGO hubs ang ilegal nga naglihok sa nasud nga dili gustong motuman sa regulasyon sa Philippine Amusement and Gaming Corporation (PAGCOR).
