BUTUAN CITY – Gitawag karon ni Davao City Mayor Sebastian ‘Baste’ Duterte nga professional liar si Police Regional Office kon PRO-11 regional director PBGen. Nicolas Torre III tungod sa mabaw matud pa kaayo niining rason sa iyang pag-relieve sa 19 ka mga police station commander sa Davao City Police Office.
Kini duna’y kalambigitan na sa pagtangtang usab sa 75 ka mga police escorts alang sa iyang maguwang nga si Vice President Sara Duterte hinungdan sa gih usad nga hearing sa Senate Committee on Dangerous Drugs kagahapon kondiin gigisa sa mga senador ang gihimong lakang sa Philippine National Police pagpanguna ni PNP Chief Director General Rommel Francisco Marbil.
Una nang gi-angkon ni Genera Torres nga siya ang nag-relieve sa 19 ka mga station commanders tungod sa rason nga sayop matud pa ang mga entries sa ilang blotter books ilabina sa Calinan Police Station nga nabantayang duna’y duha matud pa ka insidente ang duna’y sayop nga entry.
Tungod sa kamabaw sa rason sa heneral, nagduso karon og resolusyon ang Davao City Council aron ibalik sa ilang pwesto ang nasangpit nga mga station commanders.
