BUTUAN CITY – Padayon pang gisuta sa Butuan City Central Fire Station ang kinatibuk-ang damyos sa pagka-abo sa tulo ka mga boarding houses ug upat ka mga business establishments samtang partially burnt usab ang car wash establishment. Atol kini sa natigayong sunog kaganinang pasado alas-kwatro sa kaadlawon sa Purok 4, Brgy. Ampayon ning siyudad sa Butuan kansa nadeklarang fire out pagka-alas 5:40 na sa sa buntag.
Sigon ni acting city fire marshal Fire Sr. Insp. Ronald Vasquez, mi-abot sa 2,000-square feet ang kinatibuk-ang floor area nga nalamoy sa kalayo og dako ang iyang pasalamat nga wala’y na-angol sa nasangpit nga hitabo taliwa nga daghan pa ang nahinanok sa pagkatulog dihang natigayon ang sunog nga nagsugod sa boarding house matud pa ni Reynaldo Sumilat.
Samtang karong Christmas season na, nanawagan ang opisyal ngadto sa tanan nga mag-amping kanunay ilabina sa mga migamit og Christmas lights. Kinahanglan matud pang palungon kini o kuhaon gikan sa gisaksakan kung dili na gamiton.
