BUTUAN CITY – Mag-convene karung adlawa ang Rapid Assessment Team sa Municipal Disaster Risk Reduction and Management Office kon MDRRMO sa Talacogon, Agusan Del Sur aron rebyuhon ang damyos nga hatud sa 5.3 magnitude nga linog nga mitay-og kagabii.
Sigon ni John Mar Galdiano, hepe sa MDRRMO-Talacogon, i-review nila ang gihimong assessment sa iyang mga tawo nga gelayong gi-deploy human sa linog.
Target sa assessment ang mga government ug private infrastructures apil na ang mga evacuation centers, tulay ug uban pa.
Gipa-ambit usab ni Galdiano nga kusog ang linog kagahapon apan wala silay nadawat pa hangtud sa pagkutlo ning balita nga mga taho nga dunay mga dagkong damyos.
Gibutyag usab niini nga duna gayuy faultline sa ilang lungsod nga agi-anan sa linog.
