BUTUAN CITY – Gikumpirma ni Butuan City Agriculture Office Chief Engr. Pierre Anthony D. Joven nga mas apektado ang maisan ug gulayan kumpara sa humayan ning siyudad sa Butuan sa miaging taas nga huwaw.
Sigon sa opisyal nga sa maisan muabot sa 1,900 ektarya ang partially damages nga mokantidad sa gibana-banang 53-milyones pesos. Samtang sa gulayan usab muabot sa 46 ektaryas ang partially damaged nga mikantidad og 12-milyones pesos.
Giklaro ni Engr. Joven nga dili kaayu apektado ang basakan tungod kay ting-ani naman sa dihang migrabe ang el nino diin karung bulana sugod na ang cropping season. Sumala pa niini nga naka-prepositioned na ang ilang ihatag nga quality seeds ngadto sa 2,700 ektaryas.
Muabot matud pa sa 56-milyones pesos nga pondo ang andam na nga gamiton sa pag-develop sa mga estratura para niini sama sa drainage system.
Ang nasangpit nga Rice Research Center maoy magsilbing Farm School diin e-train ang tanang mag-uuma dili lang sa humay.
