BUTUAN CITY – Padayon karun ang gihimong field validation sa mga personahe sa Department of Agriculture kon DA-Caraga sa gitaho nga damyos sa mga pagbaha nga hatud sa daot nga panahon particular ang shearline og Low Pressure Area kon LPA.
Sigon ni Garlie Antipaso, Focal Person sa disaster response sa buhatan nga sa nadawat nilang mga taho gikan sa mga lokal nga kagamhanan ning rehiyon sa Caraga, ang Rice Commodity ang pinakadakong damyos nga miabot sa 65 milyones pesos human nabahaan ang 5,076 ka ektarya diin 2,196 niini ang totally damaged samtang 3,005 ang partially damaged.
Sumala ni Antipaso nga ang mga mag-uuma sa probinsiya sa Surigao Del Sur ang hilabihang na-apektuhan sa halapad nga pagbaha. Samtang sa kamaisan, dunay 82 ka ektarya ang nadamyos alang sa yellow cron og 65 ektarya sa white corn.
Muabot usab sa 12.65 ektarya ang nadamyos sa nagkadaiyang klase sa gulay samtang duna usay livestock sama sa 31-mil ka mga manok. Kumulo pa usab ang coordination sa buhatan ngadto sa Bureau of Fisheries and Aquatic Resources kon BFAR-Caraga alang usab sa mga apektadong mananagat.
Sumala pa ni Antipaso nga dunay gitagana ang rehiyunal nga buhatan nga reserbang semilya sa humay, mais og gulay nga gelayong itunol sa mga apektadong mag-uuma. Gawas pa kini sa loan program nga gihanyag sa buhatan diin walay interest.
Kinahanglan lang nga modool ang mag-uuma sa municipal Agriculture’s Office aron magiyahan nga maka-avail sa maong loan. Giklaro nalang sa opisyal nga sa ingin ini nga panahon duna gayuy gihimo nilang mga pahimangno ngadto sa mga mag-uuma.
