BUTUAN CITY – Gikumpirma ni Philippine Volcanology and Seismology (PHIVOLCS) Director Renato Solidum nga lapad ang coverage sa mitay-og nga magnitude 6.4 na linog kaganinang alas-9:04 sa buntag.
Sa eksklusibong interview sa Bombo Radyo Butuan, gipadayag ni Solidum nga sama niadtong Oktubre 16 nga linog, ang lungsod pa gihapon sa Tulunan, Cotabato ang epicenternga anaa sa gilay-ong 26-kilometro sa amihanang sidlakang bahin sa maong lungsod kondiin nabati ang intensity 7 nga pagtay-og sa Kidapawan City.
Dugang pa sa opisyal, nabati kini sa halos tibuok pulo sa Mindanao base na usab sa mga mitawag kanilang mga opisyal ug mga indibidwal gikan sa nagkada-iyang bahin sa pulo.
Gihulat pa nila ang mga reports gikan sa nagkada-iyang local government units aron masayran ang mga damyos nga hatud niini kansa susama matud pa kakusog sa natala niadtong Oktubre 16 ug gila-umang masundan pa og mga aftershocks.
