BUTUAN CITY – Gideklara sa rebelding puwersa sa Syria nga gawasnon na ang sentrong siyudad nga Damascus human mibiya na sa capital si Bashar al-Assad.
Kini ang gi-post nga mensahe ning adlawa pinaagi sa Military Operations Command. Dunay mensahe usab kini sa mga Syrians nga na-displaced karun sa nagkadaiyang sook sa kalibutan nga nagpaabot na ang gawasnong Syria ngadto kanila.
Una nang gi-angkon sa rebelde nga nakasulod na sila sa Capital nga Damascus og gikontrola na ang notoryos nga Saydnaya Military Prison sa amihanan sa maong siyudad. Sa mensahe niini, gibutyag sa grupo nga gihatagan na nila og kagawasan ang piniriso og ang panahon sa mga inhustisya sa maong prisuhan natapos na.
Nasayran nga gibansagan sa Amnesty International ang Saydnaya na human slaughterhouse” niadtong 2017 report human nakuhaan og dokumento ang daghang pagbitay niini.
Sa taho sa Office of the United Nations High Commissioner for Human Rights niadtong Hulyo 2023 gitumbok niini ang halapad og sistematic nga patterns sa torture, mga pagdagmal, dili makatawhanong pagtratar og mga pagkawala sulod sa Syrian detention facilities lakip na sa Saydnaya.
