BUTUAN CITY – Padayon karun ang gihimong pagpanubay sa kapulisan may kalabutan sa insidenteng pagpangluba kaganinang ala1:45 sa buntag sa may Purok-3, Barangay Ampayon ning siyudad sa Butuan diin an biktima usa ka babaye.
Naila kini nga si Queen Añuber Acero, 22-anyos, dalaga nga residente sa P-Balantiyong, Brgy. Maon, Butuan City. Sa impormasyon gikan sa Butuan City Police Station-4, nakadawat nalang silag tawag sa pagpangluba diin sa ilang pagresponde nadala na sa Butuan Medical Center ang biktima nga nakahiagum og daghang samad-dinunggaban sa likod og nahiwa pa ang tudlo.
Sumala pa sa biktima nga kauban niya niadtong tungora ang usa ka alyas John diin kutsilyon nga gamit sa kusina ang gigamit sa wala pa matumbok nga suspek.
Padayon usab karun nga gisuta ang motibo sa kremin.
Sa post sa biktima diha sa social media, gibutyag niini nga lima ka lalom nga samad dinunggaban ang iyang na-angkon dayung pangayu og pag-ampo sa malampuson nga operasyon.
Sumala pa niini, nga grabe kasakit og trauma ang iyang nasinati karun og kung wala pa siya misukol og naningkamot sa pagdagan, tingale napatay na matud pa siya.
Nangayu usab kini og hustisya sa iyang nadangatan.
