-- ADVERTISEMENT --
BUTUAN CITY – Tingkagol sa karsel ang usa ka dalaga human nasapon nga nagpataya og ilegal nga sugal nga swertres kagahapon sa alas-3:30 sa hapon didto sa Purok Dalisay, Brgy. Poblacion 1, lungsod sa Tubay, Agusan del Norte.
Nadakpan sa gilusad nga Oplan Bolilyo ‘swertres’ sa mga sakop sa Criminal Investigation and Detection Group kon CIDG-Agusan del Norte si Aigleen Bastatas, 35-anyos, residente sa maong dapit.
Nakuha gikan sa iyang posisyon ang 20-pisos nga marked money isip taya, usa ka bundle sa stub nga duna’y manalahing numero, carbon paper, duha ka swertres lotto result, ballpen apil na ang alternatibong recording iPhone ug salaping cash nga P1,105.00.
