BUTUAN CITY – Wala nay kinabuhi sa dihang nakaplagan ang 19-anyos nga altar server og estudyante sa Tagoloan Community College sa Tagloan, Misamis Oriental human siya gidunggab sa wala mailang lalaki nga misulod sa ilang panimalay.
Naila ang biktima nga si Lady Grace Galo residente sa Zone 4, Brgy. Sta. Ana, Tagoloan, Misamis Oriental.
Sumala sa taho nga nag-inusara lang nga natulog ang biktima sa ilang balay tungod kay anaa sa trabaho ang iyang mga ginikanan sa dihang misulod ang suspek.
Sa bintana sa balay miagi ang suspek nga plano unta nga luguson ang biktima apan misukol kini base usab sa nagkagubot nga kwarto niini nga maoy rason nga gidunggab kini.
Nasayran nga 2nd year student ang biktima sa kursong Business Administration.
Alayon niini, naglusad sa hot pursuit operation ang Tagoloan MPS aron madakpan ang suspetsado.
