-- ADVERTISEMENT --
BUTUAN CITY – Daghang residente sa lungsod sa Tyrone sa Oklahoma ang gipabakwit tungod sa dakong wildfire.
Sumala sa Texas County Emergency Management, adunay pipila sa ilang mga miyembro ang nasamdan tungod sa kadako sa sunog kondiin naglisod sila pagpalong sa kalayo tungod sa kusog nga hangin sa maong lugar.
Gipahibalo usab sa Oklahoma Department of Emergency Management ang kalapad sa sunog sa mga bahin sa Beaver County, Texas County, ug Woodward County kondiin libuang ektarya na sa kayutaan sa mga bahin sa Kansas ug Oklahoma ang gilamoy sa kalayo.
Nagtinabangay usab ang mga bombero gikan sa nagkalain-laing estado aron hingpit nga mapalong ang sunog.
