BUTUAN CITY – Laumang maapektohan sa dangerous level heat index, ugmang adlawa, Marso 31, 2024, ang anaa sa 10 ka mga manag-lahing lugar sa Pilipinas atul sa Dominggo sa Pagkabanhaw, lakip na niini ang dakbayan sa Butuan kansa laumang mosaka sa 42°C ang temperatura.
Lakip sa maong mga lugar ang nakitaan og posibilidad nga mosaka ang temperatura sa 42 degrees celsius mao ang mga lugar sa Pasay City, partikular na sa Ninoy Aquino International Airport; lakip na usab ang MMSU, Batac, Ilocos Norte; Aparri, Cagayan; Puerto Princesa, Palawan; Aborlan, Palawan; Iloilo City, Iloilo; ingon man ang Dumangas, Iloilo.
Lauman usab nga mosaka ugmang adlawa sa 43°C ang matala nga pinakataas nga temperatura, kansa laumang mo igo sa mga lugar sa Dagupan City, Pangasinan, ingon man sa Catarman, Northern Samar.
Ang heat index mao ang dayag nga temperatura nga bation sa usa ka tawo kung ang temperatura sa hangin ug ang humidity mag-abot. Alayon niini gikonsiderar nga “dangerous” sa PAGASA ang heat index nga magdula tali sa 42°C hangtod 51°C.
