BUTUAN CITY – Dili muminos sa 30 ka panimalay ang nalamoy sa kalayu kagabii mga alas 6:00 sa may Purok 4, Barangay Holy Redeemer ning siyudad.
Sigon ni Barangay Kapitan Ernesto Acaso, dikit-dikit nga mga panimalay nga gama sa light materials ang na-ugdaw sa sunog nga nagsugod matud pa sa ka lechon manokan.
Daghang pamilya usab ang nawad-an ug pinuy-anan nga kasamtangan karung nagpasilong sa Barangay Covered Court diin gisaaran ni kapitan Acaso nga atimanon.
Samtang sa pakighinabi ning sibyahan kang SFO4 Rodrigo Canton, city fire marshall sa Bureau of Fire kon BFP-Butuan, gibutyag niini nga nadawat nila ang tawag sa sunog alas 6:30 diin miabot sa 9 ka mga firetruck ang naka-responde ug na-deklara ang fire out alas 7:45.
Sa karun, padayon pa nilang gisuta ang sinugdanan sa kalayu ug ang damyos nga hatud niini.
Ang nasangpit nga sunog miabot pa sa ikatulong alarma apan gikumpirma ni Canton nga wala silay nadawat nga balitang dunay napagan sa maong insedente.
