BUTUAN CITY – Daghang mga nasud ang nanawagan sa Afghanistan ug Pakistan nga makabaton og malinawon nga panag-estorya.
Kini ang misunod sa padayon nga tensiyon nga nahitabo tali sa duha ka nasud diin daghang tawo na ang namatay.
Lakip sa mga nasud nga nanawagan ang Iraq, Qatar, Egypt , Turkiye ug bisan ang International Committee of the Red Cross (ICRC).
Sukad pa naidtong nakalabay nga tuig naghimo na og air strikes ang Pakistan sa Afghanistan.
Human niini, nanguna ang Qatar nga nagpataliwa sa duha ka nasud aron makabaton og ceasefire.
Apan sa nakalabay lang nga mga semana subling miulbo ang pag-atake sa Pakistan diin gitarget nila ang kuta sa mga miyembro sa ISIS nga maoy responsable sa nahitabong suicide bombing sa ilang nasud nga gikamatay sa pipila ka mga tawo.
