BUTUAN CITY – Nagpabiling lig-on ang dagan sa ekonomiya sa nasud sa unang quarter sa tuig sumala sa Philippine Statistics Authority. Sigon ni PSA Undersecretary at National Statistician Dennis S. Mapa, milambo sa 5.7% ang Gross Domestic Product (GDP) sa nasud sa unang quarter sa 2024.
Mas taas kini sa 5.5% nga natala sa katapusang quarter sa 2023. Lakip sa mga nakatampo sa economic growth ang financial ug insurance activities, wholesale ug retail trade, lakip na ang manufacturing. Dugang pa niini, ang tanang major economic sectors, lakip ang Agriculture, forestry, og fishing; Industry; ug Services nitala og year-on-year nga pagtaas sa unang quarter sa 2024.
Gipanghinambog usab nga bisan paman sa hagit sa El Nino ug uban pang global shocks,nagpabilin pa gihapon ang posisyon sa Pilipinas isip usa sa emerging economies sa tibook Asya. Kamatooran niini nalabwan pa sa Pilipinas ang GDP sa dagkong ekonomiya sama sa China ug Indonesia.
