BUTUAN CITY- Gipaigmat sa Department Agriculture sa Caraga Region ang mga maguuma sa kahoyng guma o rubber tungod sa pagkuyanap sa sakit Pestalotiopsis sa rehiyon.
Sumala sa maong buhatan nga dakong hulga ang maong sakit ngadto sa produkto sa mga mag-uuma ilabi na karon nga nag-anam na kini pag kuyanap sa Caraga. Alayon niini gikataho usab sa maong ahensya ngadto sa mga mag-uuma nga bantayan matud pa ang mga timailhan sa maong sakit sama sa pagkalagas ug kaha mga pat-ak pat-ak nga kolor brown sa mga dahon niini.
Sumala pa ni Abel Wagas, ang Regional Technical Director sa Department of Agriculture Caraga nga nag gikan ang maong sakit sa may Zambuanga Peninsula, diin hulga na kini karon sa halos tanan nga mga rubber farmers sa nasod.
Sayran nga halos dile na motagok ang maong mga kahoy ugaling maigo kini sa maong sakit. Dugang ni Mr. Wagas nga duna na usay mga recommended nga fungicide panguntra sa maong sakit. Gi awhag usab niini ang mga mag-uuma nga mo gamit gayod sa insakto nga mga soil fertilizer aron nga malikayan ang maong kadaot ug kinahanglan usab nga limpyuhan gayud ang palibot sa ilang uma alang sa kultural nga pamaagi sa pagkontrol sa maong sakit.
