BUTUAN CITY – Gisubmite na sa prosecutors ngadto sa International Criminal Court kon ICC ang ikapitong batch sa ebidensya batok kang kanhi Pangulong Rodrigo Duterte kalabot sa gi-atubang niining kasong crime against humanity tungod sa dugoon niining war on drugs campaign.
Madumdumang niadtong Mayo 30, gisubmite sa prosekusyon ang dugang 129 ka mga items, gawas pa sa 267 ka mga ebidensya nga gipasa gikan niadtong nagsugod ang disclosure period niadtong Abril 30.
Sumala ni ICC Prosecutor Karim Khan, anaa na sa kinatibuk-ang 130,000 ka mga dokumento sa relativity database ang ilang lantawon adiser kini ipublisar. Niadtong Hulyo 1 ang deadling sa prosekusyon aron masubmite ang tanang ebidensya nga gamiton sa gikatakdang hearing sa Septembre 23.
Sumala sa mga human rights group, anaa matud pa sa 30,000 ang namatay ilawom sa anti-drug campaign ni Duterte kinsa anaa pa sa detention facility sa ICC sa The Hague, Netherlands.
