BUTUAN CITY – Subling gipili sa parliamento sa South Africa si Cyril Ramaphosa isip presidente human ang makasaysayanong coalition deal tali sa governing African National Congress (ANC) ug sa mga opposition parties.
Ang bag-ong gobyerno sa national unity nakighi-usa sa partido ni Ramaphosa apil niini ang centre-right Democratic Alliance ug ubang mga gagmay’ng partido.
Sa iyang victory speech, gidayeg ni Ramaphosa ang bag-ong kwalisyon dayong butyag nga ang mga botante naglaum kanilang mga lider nga mulihok ug hini-usang mutrabaho alang sa kaayuhan sa tanang katawhan sa ilang nasud.
Una nang nakab-ot ang kasabutan human ang taas nga political drama, rason nga nadelatar ang paglingkod sa National Assembly ug ang pagkumpirma kung kinsa ang mukupot sa gahom sa bag-ong administrasyon.
Una niini, duna na’y nakab-ot nga kasabutan human ang pila ka semanang espekulasyon kung kinsa ang mu-partner sa African National Congress kon ANC human nga wala nila makuha ang parliamentary majority kansa pinaka-unang nahitabo sulod sa 30 ka mga tuig human ang eleksyon ning mi-aging semana.
