BUTUAN CITY – Gitu-uhang gihilu-an gamit ang cyanide, ang unom ka mga tawong napalgang patay sulod sa usa ka luxury hotel suite sa Bangkok, Thailand.
Nagtuo ang mga pulis nga usa sa mga namatay gitu-uhang maoy naghilo sa mga biktima tungod sa dako niining utang.
Napalgan ang mga biktima sa mga housekeepers sa Grand Hyatt Erawan hotel sa Bangkok kagabii.
Migawas sa imbestigasyon nga duha sa unom ka mga biktima, naka-utang og 10-million Thai baht kon 280-mil dolyares o bugti sa kapin 16-milyunes pisos, ngadto sa ngadto sa laing biktima alang sa iyang negosyo.
Gikumpirma ni Thai prime minister Srettha Thavisin kinsa nakabisita sa crime scene nga pulos mga Vietnamese nationals ang mga biktima kondiin pipila kanila, duna’y dual American citizenship.
