BUTUAN CITY – Gikumpirma ni Atty Maria Helen Polinar Zafra, nga ang mga Cabral files nga gipagawas ni Batangas 1st District Rep Leandro Leviste, mas nagpalig-on pa sa mga kasong graft ug plunder nga ilang gipasaka batuk kang Surigao del Sur 1st District Rep Romeo Momo Sr.
Sa eksklusibong pakighinabi sa Bombo Radyo Butuan, gipadayag sa reklamante nga ang gipagawas nga mga dokumento, nagkumpirma lamang nga tinuod ang ilang mga reklamo batuk sa kongresista ug sa iyang pamilya.
Gani ang 2.1-bilyunes pisos matud pa nga anaa sa budget allocations sa Department of Public Works and Highways kon DPWH sa 2025 General Appropriations Act kon GAA, layo ra sa ilang nakuhaan og ebidensya nga mu-abot sa 7-bilyunes pisos kansa paldo-paldo na matud pa nga allocables.
Gani ang ila matud pang nakuha nga mga ebidensya adiser ang expose ni Pangulong Ferdinand Marcos Jr atol sa iyang State of the Nation Address, dugay na nilang nakuha nga report sa Philippine Center for Investigative Journalism kon PCIJ tungod sa kalig-on sa ilang reklamo.
Wala usa’y lipod-lipod nga gi-akusahan ni Atty Zafra nga si Momo ug si Cabral, m ao ang mga oeprators kon utok sa mga allocables. Kini tungod kay sama matud pa lang Cabral nga undersecretary for operations sa DPWH, nabutang usab si Momo sa susamang posisyon dihang anaa pa kini sa maong ahensya ug wala pa nahimong kongresista.
Tungod sa mga lig-on niyang ebidensya uban sa compass sa Kahitas-an, kampante siya sa iyang kaugalingon nga mapabilanggo niya si Congressman Momo nga nakaminos matud pa sa mga tawo sa iyang lalawigan tungod sa pagtuo nga mga bulok na matud pa sila ug magawngan pa og kwarta.
